Real Life Stories

貼地中產的離地德國(二)

希特拉點只cut唔到有線 München Hauptbahnhof. Herr Fung © 大家有冇讀歷史?仲記唔記得希特拉點死?歐戰戰敗喺柏林地下室自殺? 錯。 佢係因為cut唔到有線,俾畸寶啲CS監生激鳩死㗎! 希特拉cut唔到有線當然係個爛笑話。但係,如果希特拉佢老人家仲健在,仲住喺德國,你估佢cut唔cut到,德國公用事業嘅合約呢? 你cut得到Deutsche Telekom先算啦有線。 德國嘅公用事業,特別係電力同電訊,都係行合約制嘅。同香港唔同嘅係,德國嘅電力公司,唔需要跟區域去被捆綁。亦即係話,假設我住喺九龍城,只要我想,我可以幫襯港燈,唔一定要跟死中電。 德國有唔少電力公司。喺Regensburg,一般嚟講都係幫襯E.on、REWAG、RWE、Yello Strom呢幾間。 唔同嘅電力公司之間嘅競爭都幾激烈,但唔代表有人會玩割喉戰。德國電力公司之間嘅差價其實唔大,因為發電成本高。咁你會問,既然分別唔大,咁點解要轉公司呢? 答案係:Bundle。 德國電力公司,最好亦係最老撚土嘅生意模式,就係行套餐制。所謂套餐,即係一個價錢,包幾多度電,之後每度電點計,同埋每年交幾多個月電費。一般嚟講,係交十一個月,然後一個月免費。 不過我哋今年嘅新合約就連呢樣都取消埋,硬食十二個月。 每一間電力公司,都有佢嘅一套基本計費模式。簡單嚟講,就係睇你住嘅地區,再睇你嘅家庭人口,例如二人家庭,佢就預算你每年嘅耗電量大約2500kWh ,超出2500kWh嘅就喺年尾補錢。 E.on嘅2500kWh套餐,以我住呢個鎮嚟計,連新用戶優惠,每年609.44 €,即係頭一年每個月50.79 €;優惠完結後每月67.04 €。留意返,如果你係經常煮飯煲湯的話,2500kWh係唔夠嘅。我哋兩個,喺過去七八年,每年用量都係3000kWh。 至於每度電幾錢呢,就視乎你用咩電。冇指定嘅就平啲,指定要用再生能源嘅就貴啲。 「咁點老撚土呢?」 Continue reading »