母語/母乳/冇語

呢篇我都寫得幾爛吓,聽到粗口會打冷震人士慎入。

「其實我哋先係你老母呀仆街仔!」“Three brown and white cows in a barn with orange tags in their ears” by Annie Spratt on Unsplash

頭盔:呢篇嘢主要負責情緒上嘅疏導,毫無養份可言。如果你想睇有養份有深度嘅母語有關文章,可以直接碌落底部嘅伸延閱讀部份。

有冇諗過,你做咗幾廿年人,喺2018年某日,突然間有條㕲契,柒吓柒吓咁走出嚟同你講:「你細個嗰陣,你老母餵你嗰個胸,唔係母乳嚟㗎!開版相上面呢幾隻牛,先係你老母;佢哋隻奶先係你嘅母乳呀!」

我諗,你就算唔係好似《黑社會》咁,搵個木箱裝起個撚樣、碌佢落山N次,都起碼會用你嘅母語,講一句:「屌你老母」、「冇撚嘢呀」或者「唔撚係啩」啦下話!

如果你嘅第一反應係:「Oh shit」、「他媽的」、「幹你娘」、「操你奶奶」、「씨발 」之類的話,咁廣東話可能唔係你嘅母語;你可以即刻碌落本文嘅底部、喺個手掌icon上面㩒50下,然後出返去得㗎喇,打攪晒;Schönes Wochenende, Auf Wiedersehen!

其實,你睇完上面嗰幾段嘢之後嘅第一反應語言,咪就係你嘅母語囉。都係嗰句:我屌故我在。

我幾十歲人、講母語講咗幾十年、啱啱先寫咗部十幾萬字嘅母語小說。你家陣走嚟教我乜嘢係母語?你教老豆屌閪呀?(斯文啲嗰句係:你教老豆剃鬚呀?)

「喂老豆,你同阿媽都幾廿年冇行埋喇,你仲識唔識屌閪㗎?知唔知個窿喺邊呀?不如等我幫你?唔係呀!阿爸!嗰個屎忽窿嚟㗎!上少少呀!」

乜嘢係母語?咪就係你阿媽湊大你嗰陣,教曉你然後同你溝通嘅語言囉!有幾難明?你明,我明,宋欣橋都明;亦都冇乜可以爭論嘅餘地。林鄭係啱㗎,真係好撚無聊囉!

咁點解宋欣橋仲要咁長篇大論咁同你噴?食飽飯等屎屙咩!

睇到呢度,我諗就算智商得50嘅都知,所謂「母語」,其實係偽命題。

明末清初,滿州人入關揸旗(「旗人」就係咁解喇;信不信由你),多爾袞櫈都未坐暖就「諭令薙髮」,你估呢個會唔會係「髮型命題」?

你知,我知,多爾袞都知,髮型嘅嘢,對於L’Oréal、Vidal Sassoon同Toni&Guy嚟講就係真命題;對於政治管治層面就係偽命題。

阿差得閒理你梳一九fade、undercut定前面剷青後面瀏海咩!但係你班梳晒man bun懶靚仔自命清高嘅躝藤,對住我哋呢啲滿州型男指指點點,又話套衫闊袍大袖冇cutting、又話條辮似豬尾唔得潮,咁就關我事喇!man bun咁撚型吖嗱!好撚冧Gareth Bale呀?抵得你吖!全部同我剃頭!「留頭不留髮、留髮不留頭」!

Gareth Bale:「關我咩事?」

講到尾,咪又係管治問題。

滿州人入關除咗要大家剷青之外,仲要大家將滿州人嘅語言,當做日常用語、「母語」。漢人冇骨氣,你同佢哋講要識滿州話先可以入朝做官,佢哋就會仆到去學,根本唔需要高壓。

只要頂戴花翎一出,莫講話轉母語轉老母呢啲小事,你叫佢哋即場跪低妻目前幫你含都仲得呀!

唔使好耐,呢種滿州話就變成「國語」、「普通話」;彷彿好似講咗幾千年嘅語言咁。鬼佬心水清,叫呢種語言做「Mandarin」,「滿大人」之謂也;好歹都幫你班金魚腦漢人留返條尾,否則個個以為三皇五帝都係卷晒脷講國語嘅。

(嗱,我知我呢啲係穿鑿附會、以偏概全嘅「歷史故事」,你理撚得我!聽故唔好駁故,早話你聽呢篇嘢冇養份㗎啦!)

中國人嘅管治哲學,無論講到幾咁冠冕堂皇都好,最終都只係一套:殖民。

秦始皇平定六國又好、後來各朝平定匈奴、鲜卑、羯、氐、羌、契丹、金、西夏都好,新瓶舊酒,都係呢套「老套路」。「半部論語治天下」,講緊嘅都係天朝大國點樣殖民。

香港人其實係好好管嘅。自出娘胎,雙親師長已經不斷為你戴上「聽話」、「孝順」、「俾心機讀書」、「事業有成」、「買樓」、「成家立室」呢啲金鋼圈。然後到你出身,淨係一個「孝順」、一個「買樓」已經將你收到死死實實。

「你想唔想扑嘢吖?想就買樓啦!」如果「孝順」同「買樓」都箍你唔死的話,咁「港女」呢個金鋼圈一定可以幫各位笨柒加返個箍。

先唔好講你要供養冇乜退休金嘅父母呢筆。淨係一層樓嘅卅年按揭,你就算忍到春袋噴氣,都唔敢反你老細檯;「床板夾春袋」就係咁解。其實去到呢個位,香港人都冇晒反抗能力;最叻咪每年七一去行吓街,然後執返好晒啲垃圾,俾啲掌聲自己。

咁點解仲要消滅粵語、繁體字呢類香港本土文化?

冇嘅,要確保你哋嘅下一代以至下N代都冇反抗能力咁解啫。

你哋睇吓,清中葉以後,有幾多漢人鞠躬盡瘁咁,出嚟保住滿州人嘅一片天?曾國藩、左宗棠、李鴻章、張之洞,個個出將入相,有邊個唔係為咗滿州人江山,嘔足十九幾兩血?

你哋啲細路,日後咪要嚟保衛「中國文化」、「普通話」同埋中國共產黨囉。「一將功成萬骨枯」,你哋啲細路後代唔做「骨」,咁北京啲二代三代「將」又點會功成呢?

等你哋仲懵撚盛盛、送啲細路去學「普通話」、返大陸「交流」、諗住「同祖國接軌」吖嗱!鬼就有得你接喇!接啦,仆街!

https://like.co/herrfung


伸延閱讀:

View at Medium.com
View at Medium.com
View at Medium.com
View at Medium.com
View at Medium.com
View at Medium.com
View at Medium.com
View at Medium.com
View at Medium.com

寫。 │ 粵文, English, 한국어, Deutsch.